4 noyabr 2021- ci il tarixdə Gəncə Regional Mədəniyyət Goranboy rayon  Heydər Əliyev Mərkəzi və Mərkəzləşdirilmiş  Kitabxana Sisteminin  birgə təşkilatçılığı ilə 8 noyabr Zəfər gününə  həsr edilmiş   “Səninlə fəxr edirəm, Azərbaycan əsgəri “adlı tədbir keçirildi.

Tədbirdə 44 günlük Vətən müharibəsinin canlı şahidləri-qazilər iştirak etdi.Tədbiri Mərkəzi Kitabxananın Metodika  və biblioqrafiya şöbəsinin  müdiri Təzəgül Abbasova açdı. Şəhidlərin  xatirəsi bir dəqiqəlik sükutla  yad edildi.  O, qeyd etdi ki,  bu müharibədəki qələbəmiz xalq, dövlət və ordumuzun  yenilməz birliyi nəticəsində mümkün oldu.

Qazi Abdullayev Eldəniz çıxış edərək keçdiyi döyüş yolundan  danışdı. Zəfər qələbəsinin  qazanılmasında  Ali Baş Komandanın rəhbərliyi altında  Müzəffər Ordumuzun  rəşadətindən söz açdı.Bizə bu qələbə sevincini yaşadan şəhidlərin ruhuna ehtiramını  bildirdi.Qazilərimizə can sağlığı arzuladı.

Qazi atası Muradov Səməndər çıxış edərək  Azərbaycan xalqını dünyanın ən qəhrəman  xalqı  adlandırdı. Qazi atası kimi, hərbi xidmətdə olan oğul atası  kimi böyük qürur  hissi keçirdiyini  bildirdi.

 Qazilər Məhərrəmov Rəşad, Mirəliyev Məftun,Səlimov Elvin , Quliyev Vüsal ,Abışov Anar , Həsənli Rəfqan , Xəyyam Hüseynov ,Süleymanov Nemət  də çıxış edərək  44 günlük  müharibədə  göstərdikləri  şücaətdən danışdılar. Onlara göstərdikləri qayğıya  görə dövlətimizə, xalqımıza  öz minnətdarlıqlarını  bildirdilər.

 Zəfər sevinci  üçün tədbirə qatılan Aşıqlar Yolçu Salmanov  və Elzamin   Rəhimov  öz telli sazlarını səsləndirdilər.Qəhrəmanların şəninə mahnılar oxdudular.

Mərkəzləşdirilmiş Kitabxana Sisteminin direktoru Gülnarə Nəsibova tədbirdə iştirak  etdiklərinə görə qazilərə  öz təşəkkürünü bildirdi.